कोरोनाच्या प्रादुर्भावामुळे यावर्षी साताऱ्यातील राजघराण्याचा विजयादशमीचा शाही सीमोल्लंघन सोहळा रद्द - महाराष्ट्र मिरर

Breaking

Post Top Ad

Saturday, October 24, 2020

कोरोनाच्या प्रादुर्भावामुळे यावर्षी साताऱ्यातील राजघराण्याचा विजयादशमीचा शाही सीमोल्लंघन सोहळा रद्द

 कोरोनाच्या प्रादुर्भावामुळे यावर्षी साताऱ्यातील राजघराण्याचा विजयादशमीचा शाही सीमोल्लंघन सोहळा रद्द

सोशल मिडियाद्वारे केले आवाहन

              प्रतिक मिसाळ -सातारा

सोशल मिडिया द्वारे पोस्ट करून पुढील प्रमाणे माहिती देण्यात आली की,शिवप्रभु छत्रपतींच्या राजगादीची विजयादशमी चे दिवशी सिमोल्लंघनाची पूर्वापार चालत आलेली परंपरा तितक्याच तोलामोलाने आम्ही पुढे चालु ठेवली आहे . हा शाही सिमोल्लंघन सोहळा सातारकर आणि सर्वसामान्य जनतेचा मोठा उत्सव ठरला आहे . यावेळी विधीवत श्री भवानी तलवारीचे पूजन जलमंदिर पॅलेस येथे झाल्यावर या ऐतिहासिक तलवारीची जलमंदिर ते पोवईनाका अशी पालखीतुन मिरवणुक काढण्यात येवून , पोवईनाका येथे सिमोल्लंघनाचे विधीवत पूजन करण्यात येते . पूजन झाल्यावर परत ही पालखी जलमंदिर पॅलेस येथे आल्यावर पूजा - अर्चा झाल्यावर राजघराण्यातील सर्व सन्माननीय सदस्य हे समस्त सातारकरांच्या आपटयाच्या पानांचा स्विकार करतात आणि त्यानंतर समस्त सातारकर नागरीक सोने लुटतात अशी ऐतिहासिक परंपरा लाभलेला हा सोहळा मोठया उत्साहात आणि प्रथा - परंपरेप्रमाणे साजरा केला जात असतो . 
हा एक जनतेचा उत्सव असतो तथापि यंदाच्या कोरोनाच्या भीषण परिस्थित कोणताही धोका पत्करणे आवश्यक वाटत नसल्याने , यंदाचा रविवार दिनांक २५/१०/२०२० रोजी होणारा विजयादशमी शाही सिमोल्लंघन सोहळा रद्द करण्याचा निर्णय घेण्यात आला आहे . राजघराण्यावर प्रेम निष्ठा असणा - या हितचिंतक , कार्यकर्ते नागरीक , जेष्ठ व्यक्ती आदी सर्वांनी नोंद घेवून सहकार्य करावे.असे आव्हान करण्यात आले.

No comments:

Post a Comment