आता मिनी काश्मीर महाबळेश्वर येथेही मिळणार कश्मीरी केशर
मोठ्या प्रमाणावर होणार लागवड
प्रतीक मिसाळ-महाबळेश्वर
महाबळेश्वर म्हटले की आपल्याला आठवतात ते काश्मिरी थंडी, उंचच उंच डोंगर , पावसाळा , आणि तिथल्या स्ट्रॉबेरी !नी भरपूर पर्यटनाची मज्जा महाबळेश्वरची ओळखच ती आहे . पण इथून पुढे महाबळेश्वर अजून एका गोष्टीसाठी ओळखले जाणारे आहे आणि ते म्हणजे केसर . आपल्याला केसर म्हटलं की डोळ्यासमोर काश्मीर उभं राहतं . परंतु आता पहिल्यांदाच केसर हे महाराष्ट्रात पिकवल गेलं आहे . प्रायोगिक तत्वावर केलेली ही लागवड यशस्वी झाली आहे . महाबळेश्वरमधील केशर लागवडीसाठी काश्मीर येथील किरतवाड येथून कंद आणले होते . केशराचे हे कंद चोवीसशे रुपये किलोप्रमाणे खरेदी करण्यात आले होते . एक किलोमध्ये पस्तीस ते चाळीस कंद येतात . सध्या प्रायोगिक तत्त्वावर साडेतीनशे कंदांची लागवड करण्यात आली होती . केसर लागवडीसाठी तापमान 10 डीग्री लागते . जमिनीची उंची समुद्रसपाटीपासून 2000 ते 2500 मिटर उंच असावी लागते . साधारणता ऑगस्ट ते सप्टेंबर महिन्यात लागवड केली जाते . डिसेंबर ते जानेवारी दरम्यान फुले येतात आणि जानेवारी महिन्यात फुले खुडून वाळवन्यात येऊन त्यापासून केसर मिळवले जाते .
केसरच्या शेतीसाठी महाबळेश्वर मधील गणेश जांभळे आणि मेटगुताड येथील दीपक व अशोक बावडेकर या शेतकऱ्यांची निवड केली गेली होती . त्यांच्या शेतात लावलेल्या कंदाला काही दिवसातच कोंब फुटले म्हणून शेतकरी व कृषी अधिकाऱ्यांना खुप मोठा आनंद झाला . अजून काही दिवसात कळ्या आल्या आणि त्यांनी त्या कळ्या खुडून त्यातील ' किंजल्क ' म्हणजे केसर काढून दुधात टाकले तेव्हा ते 100 % केसर असल्याची खात्री पटली .केशरच्या यशस्वी प्रयोगानंतर आता काश्मिरी सफरचंद च्या लागवडीसाठी प्रयत्न केला जाणार आहे.
