Hot Widget

Type Here to Get Search Results !

Comments

डोंबिवलीत अल्पवयीन मुलीवर सामूहिक बलात्कार

डोंबिवलीत अल्पवयीन मुलीवर सामूहिक बलात्कार

प्रियांका ढम-मुंबई


डोंबिवलीत एका १५ वर्षांच्या अल्पवयीन मुलीवर वेळोवेळी सामूहिक बलात्कार करण्यात आल्याची संतापजनक घटना समोर आली आहे. गेल्या आठ महिन्यांपासून तिच्यावर बलात्कार होत होता. या घटनेने संपूर्ण महाराष्ट्र हादरला आहे. याप्रकरणी मानपाडा पोलीस स्टेशनमध्ये २९ जणांविरुद्ध पॉक्सोअंतर्गत गुन्हा दाखल करण्यात आला आहे. त्यापैकी दोन अल्पवयीन मुलांसह २३ जणांना मानपाडा पोलिसांनी ताब्यात घेतले आहे.

पोलिसांनी दिलेल्या माहितीनुसार, १५ वर्षीय अल्पवयीन मुलीच्या प्रियकराने जानेवारीमध्ये बलात्कार करताना व्हिडीओ काढला होता. या व्हिडीओच्या आधारे मुलीला ब्लॅकमेल केले जात होते. यानंतर मुलीला फार्म हाऊसवर नेऊन तिच्यावर २९ जणांकडून आळीपाळीने बलात्कार करण्यात आला. तसेच बदलापूर, रबाळे, मुरबाड आणि डोंबिवलीत वेगवेगळ्या ठिकाणी नेऊन तिच्यावर बलात्कार केला गेला. डोंबिवलीच्या भोपर परिसरात ही घटना घडली असून, या घटनेने डोंबिवली ग्रामीण परिसरात एकच खळबळ उडाली आहे. मानपाडा पोलिसांनी आतापर्यंत २३ जणांना ताब्यात घेतले असून, आणखी सहा आरोपींचा पोलीस शोध घेत आहेत.

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Hollywood Movies