लसीकरण बाबतीत हलगर्जीपणा नको , आदिवासीवाड्या पर्यंत लसीकरण मोहीम राबवा - आमदार महेंद्र थोरवे

 लसीकरण बाबतीत हलगर्जीपणा नको , आदिवासीवाड्या पर्यंत लसीकरण मोहीम राबवा - आमदार महेंद्र थोरवे

• आ.महेंद्र थोरवे यांच्या अध्यक्षतेखाली कर्जत तालुक्यातील शासकीय अधिकाऱ्यांसमवेत बैठक संपन्न !
• कोविडविषयक परिस्थिती संदर्भात घेतला आढावा.. 
• लसीकरणावर भर द्यावा

महाराष्ट्र मिरर टीम-कर्जत

आमदार महेंद्र थोरवे हे नेहमीच विकासात्मक व धोरणात्मक कामे करण्यात लोकप्रतिनिधी म्हणून अग्रेसर असतात. आज याच विकासात्मक दृष्टिकोनासोबत कर्जतमधील सर्व जनतेची काळजी घेणे त्यांना आरोग्य विषयक सोयीसुविधा पुरविणे हे आपले कर्तव्य समजून कोविडची सद्यस्थिती जाणून घेतली. व पुढील येणाऱ्या कोविडच्या तिसऱ्या लाटेसंदर्भात काय उपाययोजना करता येतील या संदर्भात महिती घेतली. यात जास्तीत जास्त हा लसीकरणावर भर द्यावा असे सांगितले. आजही कर्जत तालुक्यातील आदिवासी वाड्या पाड्यांमध्ये अनेक आदिवासी बांधव लसीकरणापासून वंचित आहेत त्यामुळे त्यांना योग्य ते मार्गदर्शन करून लवकरच त्यांना लसीकरणास प्रवृत्त करावे असे सांगितले.

आज पार पडलेल्या बैठकीत सर्वच शासकीय अधिकारी यांनी कोविड परिस्थितीत केलेल्या कामाचे विशेष कौतुक आमदार थोरवे यांनी केले. येणाऱ्या तिसऱ्या लाटे संदर्भात योग्य त्या उपाययोजना करण्याचे आदेश आमदार थोरवे यांनी अधिकाऱ्यांना  दिले. 

या बैठकीस प्रांताधिकारी अजित नैराळे, तहसिलदार विक्रम देशमुख, गटविकास अधिकारी बालाजी पुरी, कर्जत नगरपालिकेचे मुख्याधिकारी पंकज पाटील वैद्यकीय अधीक्षक डॉ बनसोडे, तालुका आरोग्य अधिकारी डॉ मोरे, नायब तहसीलदा सुधाकर राठोड, नगरसेवक संकेत भासे यांच्यासह अनेक अधिकारी उपस्थित होते...