टांझानियाचे नगरसेवक शारीक चोगुले यांनी घेतली आ.भास्कर जाधव यांची सदिच्छा भेट

टांझानियाचे नगरसेवक शारीक चोगुले यांनी घेतली आ.भास्कर जाधव यांची सदिच्छा भेट

            ओंकार रेळेकर-चिपळूण

आमदार भास्कर जाधव यांचे चिपळूण येथील खूप जुने आणि अत्यंत जवळचे सहकारी कै. लियाकतभाई चौगुले यांचा मुलगा शारीक हा काही वर्षांपूर्वी टांझानिया या आफ्रिका खंडातील देशामध्ये व्यवसायानिमित्त गेला आणि तिथेच स्थिरावला. त्या देशाचे त्याने नागरिकत्व घेतले आणि तेथील दारे सलाम या शहराचा तो कौन्सिलर झाला. असे असले तरी तो त्याच्या मातृभूमीला आणि त्याला या पदापर्यंत पोहोचण्यासाठी योगदान देणाऱ्यांना तो विसरला नाही. भारतात आल्यानंतर आज तो त्यांना भेटण्यासाठी आला होता. 

टांझानियाची ओळख असलेली मफलर त्याने त्यांच्या खांद्यावर घातली व त्यांचे आशीर्वाद घेतले.. आ.भास्कर जाधव यांनी विदेशात जाऊन कौन्सिलर होण्यापर्यंतचा त्याचा प्रवास जाणून घेतला व त्याला पुढील वाटचालीस शुभेच्छा दिल्या. यानिमित्ताने त्यांनी लियाकतभाईंच्या आठवणींनादेखील उजाळा दिला. यावेळी जिल्हा परिषद अध्यक्ष श्री. विक्रांत जाधव, सहकारी श्री. फैसल कासकर आदी उपस्थित होते.