रस्त्यावर वापरलेले पीपी किट फेकले वाई कचरा डेपो समोरील संतापजनक प्रकार परिसरातील नागरिकांकडून संताप - महाराष्ट्र मिरर

Breaking

Post Top Ad

Monday, October 5, 2020

रस्त्यावर वापरलेले पीपी किट फेकले वाई कचरा डेपो समोरील संतापजनक प्रकार परिसरातील नागरिकांकडून संताप

 रस्त्यावर वापरलेले पीपी किट फेकले वाई कचरा डेपो समोरील संतापजनक प्रकार परिसरातील नागरिकांकडून संताप

 प्रतिक मिसाळ -वाई/सातारा



पालिकेच्या कचरा डेपो समोरच्या रस्त्यावर वापरलेली पी पी किटस फेकल्याने एकच खळबळ उडाली आहे.शनिवारी रात्री ही किट टाकण्यात आली आहेत त्यामुळे परिसरातील नागरिकांनी संताप व्यक्त केला आहे . वैदयकीय क्षेत्रातील संबधितांनी मोठ्या प्रमाणात पी पी किट्स कचरा डेपो समोरच्या रस्त्यावर टाकली आहेत . संबंधितांवर कडक कारवाई करण्याची मागणी परिसरातील नागरिकांकडून करण्यात येत आहे . ही किट शनिवारी रात्रीच्या सुमारास अज्ञातांनी आणून टाकल्या . उपचार करणाऱ्या रुग्णालयात वापरण्यात येणारे किट्स रस्त्यावर टाकून त्या परिसरातील नागरिकांच्या जीवाशी खेळण्याचा प्रयत्न झाल्याने नागरिक परिसरातील नागरिक आंदोलन करणार आहे . याच परिसरात कालबाह्य औषधांचा कचरा अनेकदा टाकण्यात आलेला आहे . करोना बाधितांवर उपचार करताना हे किट्स वापरूनच उपचार केले जातात , त्यानंतर त्यांची योग्य विल्हेवाट लावायची असते करोनाचे संकट दिवसेंदिवस वाढत असून शासकीय यंत्रणाद्वारे सर्व पातळीवर खबरदारी घेतली जात आहे . एका बाजूस विना मुखपट्टी व सामाजिक अंतराचे पालन न करणाऱ्या नागरिकांवर कडक कारवाई व दंड आकारण्यात येत आहे . आणि वाई शहरातील काही हॉस्पिटल बेजबाबदारपणे उघड्यावर पी पी ई किट व वैद्यकीय कचरा टाकून करोना संकट वाढवत नागरिकांच्या जीवाशी खेळत आहेत हे खूप गंभीर आणि चिंताजनक आहे . यामुळे परिसरातील नागरिकांनी संताप व्यक्त केला  असून दोषी वर प्रशासनाने कडक कारवाई करावी अशी मागणी केली आहे

मुख्यधिकारी नगरपालिका-विद्या पोळ

वाई शहरातील हॉस्पिटल्सचा वैद्यकीय कचरा जमा करून विल्हेवाट लावण्याचा ठेका नेचर इन नीड कंपनीकडे आहे . पालिकेच्या कचरा डेपो समोरील औदयोगिक वसाहतीच्या जागेत सदरचा वैद्यकीय कचरा टाकण्यात आला ही गंभीर बाब आहे . अश्या प्रकारे कचरा टाकणाऱ्यावर धोकादायक कचरा कायद्या नुसार संबंधित विभागाकडून कडक कारवाई करण्यात येईल

No comments:

Post a Comment