खंडणीचा गुन्हा दाखल असलेला फरारी वनकर्मचाऱ्यास बोरगाव पोलिसांकडून अटक - महाराष्ट्र मिरर

Breaking

Post Top Ad

Thursday, October 22, 2020

खंडणीचा गुन्हा दाखल असलेला फरारी वनकर्मचाऱ्यास बोरगाव पोलिसांकडून अटक

 

खंडणीचा गुन्हा दाखल असलेला फरारी वनकर्मचाऱ्यास बोरगाव पोलिसांकडून अटक

प्रतिक मिसाळ सातारा


पिरेवाडी ( ता.सातारा ) येथील युवकाला शिकारीच्या खोट्या गुन्ह्यात अडकवण्याची धमकी देत त्याच्याकडून पंचवीस हजार रुपये उकळल्या प्रकरणी खंडणीचा गुन्हा दाखल झालेल्या चार वन कर्मचार्यांपैकी एकाला बोरगाव पोलिसांनी बुधवारी रात्री ताब्यात घेतले . महेश साहेबराव सोनवले ( वय .२८ , रा.घोट , ता.पाटण ) असे या वन कर्मचाऱ्याचे नाव आहे . गुरुवारी त्याला जिल्हा न्यायालयासमोर हजर केले असता न्यायालयाने त्याला २६ ऑक्टोबरपर्यंत पोलीस कोठडीत ठेवण्याचे आदेश दिले . या प्रकरणातील वनपालासह अन्य दोन वनसंरक्षक अद्याप पोलिसांना गुंगारा देत आहेत . पिकांचे संरक्षण करण्यासाठी गेलेल्या पिरेवाडी येथील ओंकार शामराव शिंदे या युवकाला वनविभागाच्या चार कर्मचाऱ्यांनी शिकारीचा खोटा गुन्हा दाखल करण्याची धमकी देत त्याच्याकडून पंचवीस हजार रुपये उकळले होते . ही घटना ३१ ऑगस्ट रोजी सायंकाळी घडली होती . याची तक्रार ओंकार शिंदे याने ५ सप्टेंबरमध्ये बोरगाव पोलीस ठाण्यात दाखल केली होती . पोलिसांनी वनाधिकारी योगेश पुनाजी गावित , वनसंरक्षक महेश साहेबराव सोनवले , रणजित व्यंकटराव काकडे , किशोर ज्ञानदेव ढाणे या चौघांविरोधात खंडणीचा गुन्हा दाखल केला होता.गुन्हा दाखल झाल्यापासून हे चौघेही पोलिसांना गुंगारा देत होते . या दरम्यान त्यांचा अटकपूर्व जामीन अर्ज जिल्हा न्यायालयाने फेटाळला होता . तर उच्च न्यायालयात जामीन अर्ज फेटाळणार हे लक्षात येताच संशयितांनी अर्ज मागे काढून घेतला होता . अखेर बुधवारी सायंकाळी वनसंरक्षक महेश सोनवले याला बोरगाव पोलिसांनी ताब्यात घेतले .

No comments:

Post a Comment