Hot Widget

Type Here to Get Search Results !

Comments

रिलायन्स आंदोलन सहावा दिवस : मनसेचा आंदोलनाला पाठिंबा

 रिलायन्स आंदोलन सहावा दिवस : मनसेचा आंदोलनाला पाठिंबा

 राजेश भिसे-नागोठणे


लोकशासन आंदोलन संघर्ष समितीच्या वतीने चालू करण्यात आलेल्या आंदोलनाचा आज बुधवारी सहावा दिवस असला तरी, दिवसभराचे कडकडीत ऊन आणि रात्री कडाक्याची थंडीला तोंड देत प्रकल्पग्रस्तांचा उत्साह दिवसेंदिवस वाढतच असल्याचे दिसून येत आहे. सरकारी अधिकाऱ्यांनी या आंदोलनाकडे अद्याप डोळेझाकच केली असल्याने तलाठीपासून अगदी वरिष्ठ अधिकाऱ्यांपर्यंत सहाव्या दिवसांपर्यंत कोणीही आंदोलनस्थळी फिरकलाच नसल्याचे स्पष्ट होत आहे. मनसेचे (MNS supports the movement)जिल्हा संघटक गोवर्धन पोलसानी यांनी आंदोलनाच्या ठिकाणी भेट देऊन राज ठाकरे यांच्या आदेशानुसार या आंदोलनाला पाठिंबा दिला आहे.


रिलायन्सच्या सर्वच वरिष्ठ अधिकाऱ्यांनी आतापर्यंत या आंदोलनाकडे दुर्लक्षच केले असले तरी, कंपनीत असणारे ठेकेदारीतील कामगार सुद्धा कामावर न जाता या आंदोलनात सहभागी झाले असल्याचे दिसून येत आहे. त्यामुळे कंपनीत दररोज कामावर जाणाऱ्या कामगारांची संख्या प्रचंड प्रमाणात कमी झाली असल्याचे दबक्या आवाजात बोलले जात आहे. कोणताही आततायीपणा न करता आंदोलनात सहभागी झालेले शेकडो प्रकल्पग्रस्त आणि दुसऱ्या बाजूला उभे असणारे प्रचंड असे  पोलीसबळ असेच चित्र दररोज दिसून येत असून रिलायन्सचे अधिकारी सुद्धा पत्रकारांशी अधिकृतपणे बोलत नसल्याने रिलायन्सची बाजू उघडच होत नाही. मात्र, आम्हाला न्याय मिळाल्याशिवाय येथून उठणारच नसल्याचा ठामपणा प्रकल्पग्रस्तांकडून आज सहाव्या दिवशी सुद्धा खंबीरपणे बोलला जात आहे. 


Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Hollywood Movies