Hot Widget

Type Here to Get Search Results !

Comments

माणगांव बाजारपेठेत पिस्तुलाने गोळी झाडून खुनाचा प्रयत्न; एकजण गंभीर जखमी

 माणगांव बाजारपेठेत पिस्तुलाने गोळी झाडून खुनाचा प्रयत्न; एकजण गंभीर जखमी

रविंद्र कुवेसकर-माणगांव


माणगांवात खळबळ, शहरात फायरिंगची पहिलीच घटना, इतक्या सहजतेने अनपेक्षितपणे वर्दळीच्या अत्यंत महत्वाच्या कचेरी रोडवर घडला गुन्हा, सारेजण चक्रावले. शुक्रवारी रात्री १२.१० वा. च्या सुमारास दोन अनोळखी इसमांनी माणगांव बाजार पेठेत मोटार सायकलवरुन येऊन इंदापूरला जायला रस्ता कुठे आहे, हे विचारण्याच्या बहाण्याने मोटरसायकल थांबविली इतक्यात मोटरसायकल स्वाराच्या पाठी मागील सिटवर बसलेल्या इसमाने रस्ता दाखवणाऱ्या शुभम ग्यानचंद्र जैसवाल या माणगांव मधिल २४ वर्षीय तरुणावर बंदूकीने उजव्या बाजुस पोटात गोळ्या झाडत खुनाचा प्रयत्न केला आहे. या गोळीबारात शुभम गंभीर जखमी झाला असून त्याला उपचारासाठी मुंबई येथे रुग्णालयात दाखल करण्यात आले आहे. 

याप्रकरणी गोळी लागुन जखमी झालेला शुभम याच्या सोबत असलेला दिपक राम किशोर यादव वय २४ या प्रत्यक्षदर्शी तरुणाने दिलेल्या फिर्यादी नुसार माणगांव पोलीस ठाण्यात कॉ. गु. रजि. नं २८/२०२२. भा .दं. वि. स कलम  ३०७, ३४ व शस्त्र अधिनियम १९५९ चे कलम ३, २५ प्रमाणे गुन्हा दाखल करण्यात आला आहे. पुढील तपास माणगांव पोलीस ठाण्याचे वरिष्ठ पोलीस निरीक्षक राजेंद्र पाटील यांच्या मार्गदर्शनाखाली पोलीस उपनिरिक्षक समद बेग हे करीत आहेत. हा गुन्हा घडल्याच्या ठिकाणी रायगड जिल्ह्याचे पोलीस अधिक्षक मा.अशोक दुधे साहेब यांनी तातडीने भेट दिली व पुढील तपासाच्या सूचना दिल्या. पोलिस यंत्रणा देखिल स्पेशल क्राइम ब्रांच पथका-सह वेगाने कामाला लागली आहे.

पोलिस सुत्रांकडून मिळालेल्या माहीती नुसार, दि. १२/०२/२२ ला १२ वाजून १० मिनीटांच्या सुमारास कचेरी रोड येथील शारदा स्वीट्स दुकानासमोर शुभम जयवाल आणि दिपक यादव हे आपले सोनी मेडीकल दुकान बंद करून कचेरी रोड वरून घरी पायी चालत जात असताना शारदा स्वीट मार्टचे समोर आले वेळी त्यांच्या समोर एका पल्सरवर दोन अनोळखी इसम बसलेली मोटारसायकल आली व त्यांनी इंदापूरला जाण्याचा रस्ता विचारण्याच्या बहाण्याने गाडी थांबवली इतक्यात शुभम जैसवाल रस्ता दाखवत असताना मोटारसायकलवर मागे बसलेल्या इसमाने पिस्तूलची नळी रस्ता दाखविणाऱ्या शुभम जैसवाल वरती तानत त्याच्यावर पोटावर उजव्या बाजुस फायर केला आणि मुंबई गोवा राष्ट्रीय महामार्गाने इंदापूर बाजूला पळ काढला. यामध्ये शुभम गंभीर जखमी झाल्याने त्याला मुंबई येथे उपचारासाठी नेले आहे. 





Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Hollywood Movies