जनतेला स्वतःच कुलपे तोडायला भाग पाडू नका. भाजपा शहराध्यक्ष जगदिश मुळीक यांचा सरकारला इशारा - महाराष्ट्र मिरर

Breaking

Post Top Ad

Saturday, August 29, 2020

जनतेला स्वतःच कुलपे तोडायला भाग पाडू नका. भाजपा शहराध्यक्ष जगदिश मुळीक यांचा सरकारला इशारा

 जनतेला स्वतःच कुलपे तोडायला भाग पाडू नका.
भाजपा शहराध्यक्ष जगदिश मुळीक यांचा सरकारला इशारा


तरोनिश मेेेहता-पुणे



"महाराष्ट्रातील मंदिरे आणि सर्व धर्मस्थानांचे दरवाजे सर्व नागरिकांसाठी उघडावे" या मागणीसाठी महाराष्ट्रातल्या विविध धार्मिक संस्था आणि प्रमुख देवस्थानांच्या वतीने दि. २९ ऑगस्ट रोजी घंटानाद आंदोलन करण्यात आले. भारतीय जनता पार्टी पुणे पुणे शहराच्या वतीने या आंदोलनात सक्रिय सहभाग घेऊन दोनशेच्या पेक्षा जास्त धर्मस्थळा समोर भाजपाच्या असंख्य कार्यकर्त्यांनी घंटानाद आंदोलन केले. "मद्यालय खुली आणि देवालय बंद" या ठाकरे सरकारच्या अत्यंत जुलमी कार्यपद्धतीवर भाजपाच्या कार्यकर्त्यांनी आजच्या आंदोलनातून तीव्र रोष व्यक्त केला.

पुणे शहर भाजपा अध्यक्ष  जगदीश मुळीक यांच्या नेतृत्वाखाली पर्वती मतदार संघातील सारसबाग सिद्धिविनायक मंदिरासमोर आंदोलन करण्यात आले. यावेळी ठाकरे सरकारला जाग यावी आणि देवालय सुरू करण्याची बुद्धी या सरकारला मिळावी म्हणून भारतीय जनता पार्टीचे कार्यकर्ते शाहीर श्रीकांत रेणके आणि त्यांचे सहकारी यांनी गोंधळ सादर केला.
सर्व धर्मस्थळे नागरिकांसाठी ताबडतोब खुली करावीत अशी मागणी  जगदीश मुळीक यांनी यावेळी केली. अन्यथा सर्वसामान्य पुणेकर नागरिकांच्या हितासाठी आम्हाला यापुढे अजून प्रखर आंदोलन उभे करावे लागेल. तसेच सर्वसामान्य जनतेच्या संयमाची परीक्षा ठाकरे सरकारने घ्यायचा प्रयत्न करू नये. जनतेचा धीर सुटला तर जनता स्वतः मंदिरे व सर्व धर्मस्थानांची कुलपे तोडायला उद्युक्त होईल असा इशारा  जगदीश मुळीक यांनी दिला.



यावेळी महापौर श्री मुरलीधर मोहोळ, आमदार माधुरीताई मिसाळ, आमदार सुनील कांबळे, उपमहापौर सरस्वती ताई शेंडगे, माजी मंत्री दिलीप कांबळे, पुणे शहर सरचिटणीस श्री राजेश पांडे, श्री गणेश घोष, श्री राजेश येनपुरे आणि भारतीय जनता पार्टीचे अनेक कार्यकर्ते उपस्थित होते.

पुणे शहर खासदार गिरीश बापट, आमदार मुक्ताताई टिळक आणि स्थायी समिती अध्यक्ष  हेमंत रासने हे ओमकारेश्वर मंदिर, आमदार  सुनील कांबळे हे वानवडी येथील विठ्ठल मंदिर, आमदार सिद्धार्थ शिरोळे हे कमला नेहरू पार्क जवळील दत्त मंदिर, आमदार  भीमराव तापकीर हे धनकवडी ग्रामदैवत जानुबाई देवी मंदिर येथील आंदोलनांमध्ये हजारो कार्यकर्त्यांसह सहभागी झाले होते.

पुणे शहरात दोनशेच्यावर मंदिरे व धर्मस्थान समोर झालेल्या आंदोलनात भारतीय जनता पार्टीचे शहरातील सर्व पदाधिकारी आणि लोकप्रतिनिधी उपस्थित होते.  

No comments:

Post a Comment