जेष्ठ मराठी सिनेनट मकरंद अनासपुरे यांची सह्याद्रि स्कूल ऑफ आर्ट सावर्डे कलामहाविद्यलयास सदिच्छा भेट...
ओंकार रेळेकर-चिपळूण
कोकणातील अग्रगण्य असणारे सह्याद्रि शिक्षण संस्थेचे सह्याद्रि स्कूल ऑफ आर्ट या चित्र शिल्प कलामहाविद्यालयास सतत कलाक्षेत्र व राजकीय क्षेत्रातील मंडळी भेट देत असतात. सह्याद्रि शिक्षण संस्थेचे केंद्रबिंदू ठरलेले हे कलामहाविद्यालय सतत प्रकाश झोतात कसे राहील या साठी संस्थेचे कार्याध्यक्ष, आमदार शेखर निकम व कलामहाविद्यालयाचे चेअरमन जेष्ठ चित्रकार व शिल्पकार प्रा. प्रकाश राजेशिर्के हे कायम प्रयत्नशील असतात. या सर्व कारणांमुळे कोकण दौऱ्यावर असणारे मराठी चित्र सृष्टीतील सुप्रसिद्ध जेष्ठ अभिनेते व नाम फॉउंडेशनचे अध्यक्ष मकरंद अनासपुरे यांनी वेळात वेळ काढून सह्याद्रि स्कूल ऑफ आर्ट या कलामहाविद्यालयास भेट दिली. त्यांनी संपूर्ण महाविद्यालय व कलादालन यामधील कलाकृतीचे खूप कौतुक केले व कलामहाविद्यालयास खूप शुभेच्छा दिल्या.तसेच मा. चेअरमन प्रा. प्रकाश राजेशिर्के यांच्या हस्ते शाल श्रीफळ देऊन त्यांचा यथोचित सत्कार केला व त्यांना या महाविद्यालयाची चित्र स्वरूपात आठवण भेट मा. प्राचार्य. माणिक यादव यांच्या हस्ते देण्यात आली.
