प्रेस कौन्सिल आँफ इंडियाने पत्रकार समूह आरोग्य विम्याचा ठराव संमत! - महाराष्ट्र मिरर

Breaking


Post Top Ad

Thursday, September 24, 2020

प्रेस कौन्सिल आँफ इंडियाने पत्रकार समूह आरोग्य विम्याचा ठराव संमत!

 प्रेस कौन्सिल आँफ इंडियाने पत्रकार समूह आरोग्य विम्याचा ठराव संमत!


 महाराष्ट्रात सर्व पत्रकारांसाठी सामुहिक आरोग्य विमा योजना सुरू करावी...एनयुजे महाराष्ट्र


महाराष्ट्राचे मुख्यमंत्री,उपमुख्यमंत्री यांना एनयुजेएमचे निवेदन


           महाराष्ट्र मिरर टीम-नवी दिल्ली

22 सप्टेंबर 2020 रोजी प्रेस कौन्सिल आँफ इंडियाचे अध्यक्ष न्यायमूर्ती सी.के. प्रसाद आणि सर्व सदस्यांनी आयोजित बैठकीत पत्रकारांना सामूहिक आरोग्य विमा संदर्भात एकमताने प्रस्ताव मंजूर केला आहे. आता प्रेस कौन्सिल च्या वतीने भारत सरकार, सर्व राज्ये आणि केंद्रशासित  प्रदेशांच्या सरकारांना पत्रकार आरोग्य विम्यावर धोरण आखले पाहिजे आणि ते जलदगतीने अंमलबजावणीसाठी लेखी विनंती केली जाणार आहे.

 तसेच बैठकीत डॉक्टर, आरोग्य कर्मचारी आणि इतर सरकारी सेवा कर्मचारी यांच्या धर्तीवर

पत्रकारांना कोरोना वॉरियर श्रेणीत समाविष्ट करण्याचा ठरावही मंजूर करण्यात आला.


नॅशनल युनियन ऑफ जर्नालिस्टशी संबंधित श्री. आनंद राणा म्हणतात की देशातील

बर्‍याच पत्रकारांना सध्या तीव्र आर्थिक संकटाचा सामना करावा लागत आहे. कोरोना महामारी च्या परिस्थितीमुळे ही समस्या अधिकच कठीण झाली आहे.देशभरात कर्तव्य बजावत असताना  अनेक पत्रकारांनी आपला जीव गमावला. बर्‍याच साथीदारांना कोरोनाचा संसर्ग होउन रुग्णालयात दाखल करावे लागेल. म्हणूनच पत्रकारांसाठी आरोग्य विमा  आवश्यक  आहे जेणेकरून अडचणीच्या वेळी आर्थिक मदत शक्य होईल.


प्रेस कौन्सिलच्या प्रस्तावावर राज्य सरकारांनी कार्यवाही करणे अपेक्षित आहे

श्री राणा यांनी आशा व्यक्त केली आहे की केंद्र व राज्याकडे प्रेस कौन्सिल ऑफ इंडियाची विनंती आहे की सरकार गांभिर्याने घेत या दिशेने सकारात्मक पावले उचलतील. तसेच ज्या

राज्यांनी यापूर्वी पत्रकार आरोग्य / अपघात विमा योजना असतील त्यांनी तो अधिक मजबूत करणे आवश्यक आहे.

विम्याच्या रकमेमध्ये उचित वाढ करावी असे आवाहन केले

नँशनल युनियन ऑफ जर्नालिस्टस् महाराष्ट्र च्या अध्यक्ष शीतल करदेकर यांनी मा मुख्यमंत्री उद्धवजी ठाकरे व उपमुख्यमंत्री अजितदादा पवार यांना निवेदन पाठवून माध्यमकर्मींसाठी सामुहिक आरोग्य विम्यासाठी कृतीशील पावले उचलून चौथ्या स्तंभाला आधार द्यावा  अशी आग्रही मागणी केली आहे

No comments:

Post a Comment