ग्रुप ग्रामपंचायत चिंचवलीच्या उपसरपंचपदी दिपाली भरत कांबरी यांची बिनविरोध निवड.
नरेश कोळंबे -कर्जत
कर्जत तालुक्यातील चिंचवली च्या उपसरपंच पदाचा सुषमा रविंद्र बोराडे यांनी राजीनामा दिला व त्यानंतर सदर उपसरपंच हे पद रिक्त होते . या जागेवर बार्डी येथील रहिवासी असलेल्या दिपाली भरत कांबरी यांची निवड करण्यात आली आहे.
चिंचवली ग्रामपंचायत मध्ये उपसरपंच पदी असलेल्या सुषमा रविंद्र बोराडे यांनी पदाचा राजीनामा दिला . व त्यामुळे सदर उपसरपंच हे पद रिक्त होते . सदर जागेसाठी दिपाली भरत कांबरी या एकमेव उमेदवार यांनी अर्ज भरला होता . या पदासाठी आज बुधवारी निवडणूक घेण्यात आली . यावेळी अध्यक्ष म्हणून ग्रामपंचायत चिंचवली च्या सरपंच सुनीता मंगेश आहिर यांनी काम पाहिले. एकमेव अर्ज आल्या कारणाने उपसरपंच पदी दिपाली भरत कांबरी यांची बिनविरोध निवड करण्यात आली . त्यानंतर उपस्थितांनी नवनिर्वाचित उपसरपंच यांचा सत्कार करून पुढील कार्यासाठी शुभेच्छा दिल्या . त्यावेळी कर्जत नगरपरिषदेचे माजी नगराध्यक्ष राजेश लाड, राष्ट्रवादी युवक काँग्रेसचे कर्जत तालुका अध्यक्ष सागर शेळके, भाजपचे जिल्हा सरचिटणीस राजेश भगत, सुर्याजी कडव, संतोष थोरवे, सुर्याजी बोराडे, मनोहर कांबरी , मोतीराम थेर, पंढरीनाथ कांबरी, बाळू ठोंबरे, प्रभाकर पाटील, प्रकाश कोळंबे,सुहास भगत, हृषिकेश भगत,उमेश कांबरी, शशिकांत जाधव, दशरथ कांबरी, सुरेश कांबरी , पंढरीनाथ कडव आदी ग्रामस्थ उपस्थित होते.
