आजपासून माथेरान -अमन लॉज मिनी ट्रेन शटल सेवा सुरू - महाराष्ट्र मिरर

Breaking

Post Top Ad

Wednesday, November 4, 2020

आजपासून माथेरान -अमन लॉज मिनी ट्रेन शटल सेवा सुरू

 आजपासून माथेरान -अमन लॉज मिनी ट्रेन शटल सेवा सुरू

चंद्रकांत सुतार -माथेरान


कोरोनाचा लॉक डाऊन काळात  सर्व ठिकाणच्या रेल्वे सेवा बंद ठेवण्यात आल्या होत्या परंतु हळूहळू , लोकल सेवा बस सेवा सुरू होत असताना  माथेरान हे पर्यटन स्थळ असल्याने येथे वाहतुकीस प्रायव्हेट गाडी शिवाय पर्याय नाही,  त्यातच  मिनी ट्रेन   तर माथेरानचा  अविभाज्य भाग आहे , माथेरान पर्यटकांसाठी सुरू झाले खरे पण पर्यटकांना आकर्षित,अपेक्षित असलेली मिनी ट्रेन मात्र बंद असल्याने  अनेक हौशी पर्यटक बचे कंपनी   नाराज झाले,माथेरानचे जनजीवन हे केवळ पर्यटनावरच  अवलंबून असल्याने  येथील नागरिक मागील 8 महिन्याच्या लॉक डाऊन कठीण काळात  प्रत्येक सिजन कडे आशेने  पाहत होता परंतु  लोकडाऊन काही संपले नाही,आता कुठे  हळूहळू जनजीवन सुरू होत असताना दिवाळी सिजंनकडे  मोठ्या आशेने  सर्वच माथेरान कर बघत आहेत माथेरान सुरू झाले आहेच, पर्यटकांची पहिली पसंत माथेरान असूनही  मिनी ट्रेन सुरू नसल्याने इतर ठिकाणी  जात आहेत, स्थानिक  वयोवृद्ध नागरिकांना ही शटल सेवेचा  फायदा होत होता,  मिनी ट्रेन सुरू करण्याची राज्य शासनाने परवानगी  दिली आहे



माथेरानच्या नगराध्यक्षा प्रेरणा प्रसाद सावंत तसेच माजी नगराध्यक्ष अजय सावंत आणि गटनेते प्रसाद सावंत , माजी नगराध्यक्ष विवेक चौधरी यांनी  शटल सेवा सुरू करण्याबाबत मागणी करत पाठपुरावा केला होता ,त्यास  खासदार श्रीरंग बारणे, खासदार, तथा रायगडचे खासदार सुनील तटकरे यांनी सकारात्मक  मोलाचे सहकार्य केल्याने अखेर बुधवार  4/11/2020 रोजी  अखेर अमन लॉज ते माथेरान शटल सेवा सुरू झाली. आज मिनी ट्रेन सुरू होणार  म्हणून सकाळी मिनी ट्रेन च्या स्वागतासाठी  नियोजित वेळेत सर्व माथेरान कर माथेरान स्टेशनवर गाडीची वाट पाहत होते परंतु आज पहिल्याच दिवशी गाडी  सकाळी 9 वाजता माथेरानला पोहोचणार होती पण तांत्रिक कारणामुळे हीच  गाडी दुपारी  1 वाजता  माथेरान मध्ये दाखल झाली


 आम्ही घरी राहून राहून बोर झालो आहोत, त्या मुळे थोडी भीती असली तरी सर्व सुरक्षित राहून थोडे  मनाला चेज म्हणून  आम्ही आज माथेरान ला आलो। आहोत, आणि पहिल्याच सुरू होण्याच्या पहिल्याच ट्रेन मध्ये आम्हाला ट्रॅव्हल करताना खुप मज्जा येत आहे
सलमान अख्तर--पर्यटक खारघर

No comments:

Post a Comment