दिवाळीच्या पहाटे उंब्रज जवळ भीषण अपघात पाच जण ठार तर सात जण जखमी - महाराष्ट्र मिरर

Breaking

Post Top Ad

Friday, November 13, 2020

दिवाळीच्या पहाटे उंब्रज जवळ भीषण अपघात पाच जण ठार तर सात जण जखमी

 दिवाळीच्या पहाटे उंब्रज जवळ भीषण अपघात पाच जण ठार तर सात जण जखमी




कुलदीप मोहिते कराड


सर्वत्र दिवाळीची धामधूम सुरू  असतानाच पुणे-बंगलोर महामार्गावर उंब्रज तालुका कराड तारळी नदीच्या पुलावरून मिनी बस सुमारे 90 फूट खाली कोसळून भीषण अपघात झाला आहे शनिवारी पहाटे पाच वाजता हा अपघात झाला आहे या अपघातामध्ये पाच जण जागीच ठार झाले असून सात जण जखमी झाले असल्याची माहिती घटनास्थळावरून मिळालेली आहे 


जखमींना सातारा येथील हॉस्पिटलमध्ये उपचारासाठी दाखल केले आहे मिनी बस वाशी वरून गोव्याकडे निघाली होती मिनी बस उंब्रज जवळ आली असता ड्रायव्हरचे गाडीवरील नियंत्रण सुटून गाडी तारळी नदीच्या पुलावरून 90 फूट खाली कोसळली यातील एक जखमी प्रवासी बाहेर आल्यामुळे या अपघाताची माहिती पोलिसांना व स्थानिकांना कळाली सातारचे अतिरिक्त  पोलीस अधीक्षक धीरज पाटील उंब्रज पोलीस स्टेशनचे सहाय्यक पोलीस निरीक्षक अजय गोरड यांनी तात्काळ घटनास्थळावर धाव घेतली व स्थानिकांच्या मदतीने  जखमींना  बाहेर  बाहेर काढण्यात आले व सातारा येथील हॉस्पिटलमध्ये दाखल करण्यात आले ह्या अपघातामध्ये तीन पुरुष एक महिला व तीन वर्षांचा लहान मुलगा असे पाच जण जागीच ठार झाले आहेत


No comments:

Post a Comment