माजी मंत्री विलासकाका उंडाळकर यांचे निधन

 काँग्रेस पक्षाचे जेष्ठ नेते, कराड दक्षिण चे सात वेळा आमदार, माजी सहकार,दुग्धविकास,पशुसंवर्धन,मदत व पुनर्वसन मंत्री विलासराव (काका) उंडाळकर यांचे दुःखद निधन झाले.

 मिलिंद लोहार/प्रतीक मिसाळ--सातारा :- राष्ट्रीय काँग्रेसचे जेष्ठ नेते आणि कराड दक्षिण मतदार संघाचे सलग 35 वर्षे नेतृत्व केलेले माजी आमदार विलासकाका पाटील - उंडाळकर यांचे उपचारादरम्यान वयाच्या 84 व्या वर्षी  सोमवारी पहाटे सातारा येथे निधन झाले. त्यांनी राज्याच्या  सहकार, विधी व न्याय आणि दुग्धविकास विभागाचे मंत्री म्हणून कामकाज पाहिले होते. गेल्या काही दिवसांपासून त्यांच्यावर उपचार सुरू होते. उंडाळकर यांच्या पार्थिवावर आज त्यांच्या कराड तालुक्यातील उंडाळे या गावी अंत्यसंस्कार करण्यात येणार आहेत.